Wasaaradda Amniga Federaalka Oo …

War-Saxaafadeed kasoo bax…

Qodobo Laga Soo Saaray Kulanka M…

Madaxweynaha Jamhuuriyadd…

Gudoomiyaha Aqalka Sare Oo U Amb…

Wafdi uu hoggaaminayo Gud…

Madaxda Koonfur Galbeed Oo Digni…

Cabdulqaadir Shariif Shee…

Musharax Cabdicasiis Lafta Garee…

Musharaxa Madaxweynaha Ko…

Wasaaradda Amniga oo war ka soo …

War qoraal ah oo ka soo b…

Wararka Dibada: May Oo Ka Bad-ba…

Xisbi Xaakimka Conservati…

War Deg Deg Ah: Mooshinkii Laga …

Xoghayaha Golaha Shacabka…

Xasan Shiikh Oo La Kulmay Siyaas…

Madaxweynihii hore 4-aad …

Afhayeenka Baarlamaanka Federaal…

Maxamed Mursal Sheekh Cab…

«
»
TwitterFacebookPinterestGoogle+

Wasaaradda Amniga Federaalka Oo War Ka Soo Saartay Rabshadaha Ka Socda Baydhaba

War-Saxaafadeed kasoo baxay Wasaaradda Amniga Gudaha ee Xukuumadda Soomaaliya ayaa waxa looga hadlay rabshadaha Maalintii labaad ka socda Magalada Baydhabo.

Qoraalka Wasaaradda amniga kasoo baxay ayaa waxaa Shacabka Magalada Baydhabo loogu baaqay inay ilaaliyaan xasiloonida.

Sidoo kale Shacabka ayaa laga dalbaday inay la Shaqeeyaan kusimaha Madaxweynaha Koonfur Galbeed,waxana la faray laamaha Amniga ka Shaqeynta Amniga Magalada Baydhabo oo ay weli rabshado ka dhacayaan.

Gelinkii dambe ee Maanta ayaa waxaa Gudaha Baydhabo galay Ciidamo ka tirsan kuwa Itoobiya,waxaana la sheegay in xaalada Magalada ay iminka tahay mid sidii hore ka wanaagsan.

Hoos Ka Akhriso War-Saxaafadeedka Wasaaradda Amniga.

Qodobo Laga Soo Saaray Kulanka Madaxweyneyaasha Soomaaliya Iyo Ereteriya

Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo iyo dhiggiisa dalka Ereteriya Mudane Isaias Afwerki oo kulamo wadatashi ah ku yeeshay Villa Soomaaliya ayaa ku heshiiyey in la xoojiyo iskaashiga ka dhaxeeya labada dal.

Labada Madaxweyne ayaa hoosta ka xariiqay muhiimadda ay leedahay in la ballaariyo iskaashiga ku aaddan arrimaha ganacsiga, maalgashiga iyo xiriirka tooska ah ee labada shacab ee Soomaaliya iyo Ereteriya.

Madaxweyne Maxamed Cabdullaahi Farmaajo ayaa uga mahadceliyey dhiggiisa dalka Ereteriya Mudane Isaias Afwerki booqashadan taariikhiga ah ee uu ku yimid Soomaaliya iyo sida wanaagsan ee uu u ajiibay martiqaadkii rasmiga ahaa ee uu u fidiyey.

Madaxweynaha Jamhuuriyadda ayaa tilmaamay in booqashadan ay ka tarjumayso dadaallada Dowladda Federaalka Soomaaliya ee ku aaddan xaqiijinta iskaashi heer gobol ah oo lagaga gudbayo dhibaatooyinka nabad la’aanta, argagixisada, saboolnimada iyo xaalufka deegaanka ee uu wajahayo Gobolka Geeska Afrika.

Dhankiisa, Madaxweyne Isaias Afwerki ayaa uga mahadceliyey dowladda iyo shacabka Soomaaliyeed soo dhaweynta diirran ee ay u fidiyeen isaga iyo wafdigiisa, waxa uuna adkeeyey muhiimadda uu leeyahay xiriirka soo jireenka ah ee ka dhexeeya labada shacab ee walaalaha ah.

Madaxweyne Isaias ayaa bogaadiyey, soona dhaweyey dadaalka Dowladda Federaalka Soomaaliya ee lagu dhisayo, laguna tayeynayo hay’ado amni oo ay Soomaalidu leedahay, kuwaas oo awood u leh in ay dammaanad qaadaan nabadda iyo amniga ay dadka Soomaaliyeed istaahilaan.

Labada Madaxweyne ayaa ku heshiiyey in ay sii wadaan abuuridda iskaashi xooggan oo dan u ah labada waddan iyo guud ahaan gobolka.

Gudoomiyaha Aqalka Sare Oo U Ambabaxay Dalka Turkiga

Wafdi uu hoggaaminayo Guddoomiyaha Aqalka Sare , Mudane, Cabdi Xaashi C/llaahi, oo ka kooban Labadda Golle ee Baarlamaanka Soomaaliya ayaa gaaray Dalka Turkiga, iyagoo halkaasi uga qayb galaya shirka Baarlamaannada Adduunka oo halkaasi ka dhacaya.

Guddoomiye, Cabdi Xaashi iyo wafdigiisa ayaa waxaa halkaasi kusoo dhoweeyay, xubno ka tirsan Baarlamanka Dalka Turkiga iyo Mas’uuliyiin kale.

Wafdigan ayaa inta ay ku sugan yihiin Dalka Turkiga waxay halkaasi kulamo gaar ah kula qaadan doonaan Madaxda Baarlamaanka Adduunka, iyo qaar ka mid ah Madaxda Dalka Turkiga.