NewsNews WordPress Theme

Halkan Ka Akhriso Magacyada Guddiga Doorashada Koonfur Galbeed Ee Maanta La Magacaabay, iyadoo Inta Badan Guddiga Ay U Badan Yihiin Kuwo Muxaafid U Ah Shariif Xasan Shiikh Aadan Oo Markale Damac Kaga Jira Hogaanka KGS.

Magacyada Guddiga Beesha Mirifle Sideed

1.Yaroow Cali Xuseen, (Mirifle, Disoow)

2.Amiin Maxamed Faarax, (Mirifle, Garwaale)

3.Cudbi C/raxmaan Cabdi (Mirifle, Xariin)

4.Cabdullaahi Nuur Maxamed (Mirifle, Leysaan)

5.Ugaas Isaaq Cali (Mirifle, Jiroon)

6.Aadan Dooyow Suuroow,(Mirifle, Heledi)

7.Cali Cabdi Cali, (Mirifle, Eelaay)

Magacyada Guddiga Beesha Mirifle Sagaal

8.Mad- Kariin Mad Aftiin, (Mirifle, Hubeer)

9.Aamino Isaaq Maxamed, (Mirifle, Geeledle)

10.Xasan Macalin Yuusuf, (Mirifle, Hadame)

11.Cabdiwahaab Sh. Mad Kariin, (Mirifle, Luwaay)

12.Carfa Ibraahim Aadan, (Mirifle, Jilible)

Magacyada Guddiga Beesha Digil

13.Ibraahim Cismaan Maadoow,(Digil,5-taCaleemood)

14.C/risaaq Maxamed Yuusuf (Digil, Jiido)

15.Maxamed Nuur Sh Cade (Digil, Geledi)

16.Cismaan Macalin Cabdi Ibraahim,(Digil, Dabarre)

17.Nuurto Maxamed Cabdi (Digil, Garre)

18.Shaacir Abuukar Cali (Digil, Begadi)

Magacyada Guddiga Beesha Dir

19.Ruun Siraad Cali (Dir, Baajimaal)

20.Maxaad Maxamed Ciise (Dir, Biyamaal)

21.Cabdifitaax Cali Axmed (Dir, Biyamaal)

Magacyada Guddiga Beesha 5-aad

 22.Maxamed Nuur Maxamed Xabiib, (Beesha 5-aad, Barawaan)

Magacyada Guddiga Beesha Hawiye

23.C/laahi C/qaadir Macoow, (Hawiye, Shiikhaal)

24.Ibraahim Macalin Cismaan (Hawiye, Shiikhaal)

25.Farxiyo Maxamed Axmed (Hawiye, Hilibi)

26.Yuusuf Cali Axmed (Hawiye, Gaaljecel)

Magacyada Guddiga Beesha Daarood

27.Axmed Maxamed Cabdi (Daarood, Ogaadeen)

Kala Soco Warar Sugan: Warbaahinada Ishabaydhaba.com Iyo Somalibritishmedia.com

Qaar kamid ah Aqoonyahanada Koonfur Galbeed Soomaaliya ayaa walaac ka muujiyeen Xildhibaanno ka tirsan Baarlamaanka Federaalka Soomaaliya oo ku sugan Magaalada Baydhaba.

Aqoonyahanada walaaca ka muujiyay Xildhibaanada ku sugan Baydhaba waxaa kamid ah Madey Shiikh Cabdullahi Iyo Shariif Ibraahiim “Baasha”.

Aqoonyahanadan ayaa eedeyn dusha uga turay Xildhibaan Yacquub Cali Maxamed iyo Xildhibaan Shaacir Maxamed Xasan oo Magaalada Baydhaba kawada olole siyaasadeed oo la xiriira doorashada Koonfur Galbeed xili ay socdaan howlaha Baarlamaanka Federaalka Soomaaliya.

Xildhibaanada ayaa lagu eedeeyay inay u olole ugu jiraan sidii Musharax Shariif Xasan markale loogu dooran lahaa Madaxweynaha Koonfur Galbeed Soomaaliya.

Aqoonyahanadan ayaa ka dalbaday Afhayeenka Baarlamaanka Soomaaliya Maxamed Mursal Shiikh C/raxmaan inuu la xisaabtamo xildhibaanada Baydhaba ka wada ol-olaha doorasho.

“Xildhibaanka looguma tala gelin in uu faraha la galo arrimo aan shaqadiisa aheyn, xili uu furan yahay kalfadhiga Goolaha Shacabka”.sidaas waxaa yiri Madey Shiikh C/laahi

Dhanka kale Shariif Baasha ayaa sheegay in Xildhibaanadaasi shaqo ku laheyn doorashada Koonfur Galbeed, waxuuna ugu baaqay inay faraha kala baxaan arrimaha ay ku jiraan kuna laabtaan Muqdisho.

Eedeynta loo jeediyay Xildhibaanada kala ah Yacquub Cali Maxamed iyo Shaacir Maxamed Xasan ayaa kusoo aadeysa xili maanta lagu dhawaaqay Guddiga Doorashada Madaxweynaha Koonfur Galbeed Soomaaliya.

Musharax Madaxweynaha Maamulka Koonfur Galbeed Soomaaliya Aadan Maxamed Nuur “Saransoor” ayaa maanta ku laabtay Magaalada Baydhaba ee xarunta gobolka Baay, halkaasoo ay soo dhaweyn ugu sameeyeen shacab iyo mas’uuliyiin katirsan taageerayaashiisa.

Aadan Saransoor oo maalmo ka maqnaa Baydhaba, ayaa ka hadlay guddiga doorashada Koonfur Galbeed ee maanta la magacaabay wuxuuna sheegay in saacadaha soo socda ay war kasoo saari doonaan.

Musharax Aadan Maxamed Nuur ayaa intaas ku daray inay muhiim tahay in Baydhaba ay ka dhacdo doorasho Xor iyo Xalaal Ah.

Shacabka Magaalada Baydhaba ayuu ugu baaqay inay ka shaqeeyaan midnimadooda iyo inay ilaashadaan amniga ay haystaan.

Wuxuu u mahadceliyay mas’uuliyiinta iyo shacabka soo dhaweeyay xilli uu kasoo laabta socdaal uu dhawaan ku tagay Magaalada Muqdisho.

Hadalka Musharax Aadan Saransoor ayaa kusoo aadaya iyadoo maanta lagu dhawaaqay Guddiga Doorashada Madaxweynaha Koonfur Galbeed Soomaaliya.